Do you take your smartphone to the toilet here why you should stop it immediately - Digit Kannada
ಸಾಮಾನ್ಯವಾಗಿ ನಾವು ಇಂದಿನ ದಿನಗಳಲ್ಲಿ ಪ್ರತಿ ಕಡೆಗೂ ನಮ್ಮ ಸ್ಮಾರ್ಟ್ಫೋನ್ (Smartphone) ತೆಗೆದುಕೊಂಡು ಹೋಗುವುದು ಸರ್ವೇ ಸಾಮಾನ್ಯವಾಗಿದೆ. ಆದರೆ ಇಂದಿನ ಕಾಲಘಟ್ಟದಲ್ಲಿ ಜನರು ಮೊಬೈಲ್ ಫೋನ್ಗಳಿಗೆ ಎಷ್ಟು ಅಡಿಕ್ಟ್ ಆಗಿದ್ದಾರೆಂದರೆ ಒಂದು ನಿಮಿಷವೂ ಮೊಬೈಲ್ ಅನ್ನು ದೂರ ಇಡುವುದಿಲ್ಲ. ಬೆಳಗ್ಗೆ ಎದ್ದ ತಕ್ಷಣ ಜನರು ಮಾಡುವ ಮೊದಲ ಕೆಲಸ ಮೊಬೈಲ್ ತೆಗೆದು ಮೆಸೇಜ್, ಕರೆ ಅಥವಾ ರೀಲ್ ನೋಡುವುದು ಸಾಮಾನ್ಯವಾಗಿದೆ. ಅಲ್ಲದೆ ಅನೇಕ ಜನರು ಸಹ ಬೆಳ್ಳಂ ಬೆಳಿಗ್ಗೆ ತಮ್ಮ ಮೊಬೈಲ್ ಫೋನ್ ಅನ್ನು ಶೌಚಾಲಯಕ್ಕೆ ತೆಗೆದುಕೊಂಡು ಹೋಗುವ ಅಭ್ಯಾಸವನ್ನು ಸಹ ಹಾಕಿಕೊಂಡಿದ್ದಾರೆ. ಆದರೆ ಇದು ನಿಮ್ಮ ಆರೋಗ್ಯಕ್ಕೆ ಭಾರಿ ಅಪಾಯಕಾರಿ ಎಂದು ತಜ್ಞರ ಹೇಳುತ್ತಾರೆ.
ಶೌಚಾಲಯದಲ್ಲಿ ಮೊಬೈಲ್ ಬಳಸುವುದರಿಂದ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತದೆ. ವಾಸ್ತವವಾಗಿ ಶೌಚಾಲಯವು ಅನೇಕ ಸೂಕ್ಷ್ಮಜೀವಿಗಳು ಬೆಳೆಯುವ ಸ್ಥಳವಾಗಿದೆ. ಟಾಯ್ಲೆಟ್ ಸೀಟ್ ನಿಂದ ಹಿಡಿದು ಫ್ಲಶ್ ಬಟನ್ ವರೆಗೆ ಎಲ್ಲೆಂದರಲ್ಲಿ ರೋಗಾಣುಗಳಿವೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ನಿಮ್ಮ ಫೋನ್ ಅನ್ನು ಶೌಚಾಲಯಕ್ಕೆ ತೆಗೆದುಕೊಂಡು ನಂತರ ಈ ಎಲ್ಲಾ ವಸ್ತುಗಳನ್ನು ಸ್ಪರ್ಶಿಸಿದ ನಂತರ ನಿಮ್ಮ ಫೋನ್ ಅನ್ನು ಮತ್ತೆ ಬಳಸಿದಾಗ ಈ ಸೂಕ್ಷ್ಮಜೀವಿಗಳು ಫೋನ್ ಮೂಲಕ ನಿಮ್ಮ ದೇಹವನ್ನು ಪ್ರವೇಶಿಸುತ್ತವೆ.
ಶೌಚಾಲಯದಲ್ಲಿ ಮೂತ್ರದ ಕಲೆಗಳು ಹಲವು ದಿನಗಳವರೆಗೆ ಇರುತ್ತದೆ ಎಂದು ಇಂಡಿಯಾನಾ ವಿಶ್ವವಿದ್ಯಾಲಯದ ಆರೋಗ್ಯ ವಿಭಾಗದ ಮೂತ್ರಶಾಸ್ತ್ರಜ್ಞ ಡಾ.ಹೆಲೆನ್ ಬರ್ನಿ ಹೇಳುತ್ತಾರೆ. ಈ ಹನಿಗಳು ಮೂರು ಅಡಿಗಳಷ್ಟು ದೂರವನ್ನು ತಲುಪಬಹುದು ಎಂದು ಅನೇಕ ಸಂಶೋಧನೆಗಳು ಬಹಿರಂಗಪಡಿಸಿವೆ. ಅಂತಹ ಪರಿಸ್ಥಿತಿಯಲ್ಲಿ ಮೂತ್ರವು ಫ್ಲಶಿಂಗ್ ಸಮಯದಲ್ಲಿ ಮತ್ತಷ್ಟು ದೂರ ಹೋಗಬಹುದು. ಇದಲ್ಲದೆ ಈ ಸ್ಪ್ಲಾಶ್‌ಗಳು ನಿಮ್ಮ ಮೊಬೈಲ್ ಫೋನ್ ಅನ್ನು ತಲುಪುವ ಸಾಧ್ಯತೆಯಿದೆ. ಮಲ ಮತ್ತು ಮೂತ್ರದಲ್ಲಿ ಅನೇಕ ಬ್ಯಾಕ್ಟೀರಿಯಾಗಳಿವೆ. ಅದು ಹರಡುತ್ತದೆ. ಈ ರೀತಿಯಾಗಿ ನಿಮ್ಮ ಫೋನ್ ಅನ್ನು ಶೌಚಾಲಯಕ್ಕೆ ತೆಗೆದುಕೊಳ್ಳುವುದು ನಿಮಗೆ ಅಪಾಯಕಾರಿ ಎಂದು ಸಾಬೀತುಪಡಿಸಬಹುದು.
Also Read: 50MP ಸೆಲ್ಫಿ ಕ್ಯಾಮೆರಾದ Moto X50 Ultra ಸದ್ದಿಲ್ಲದೇ ಬಿಡುಗಡೆ! ಫೀಚರ್ ನೋಡಿ ಅಬ್ಬಬ್ಬಾ ಅನ್ನೋದು ಪಕ್ಕಾ!
ನೀವು ನಿಮ್ಮ ಅಥವಾ ಸಾರ್ವಜನಿಕ ಶೌಚಾಲಯ ಅಥವಾ ಸ್ನಾನಗೃಹದಲ್ಲಿ ಸ್ಮಾರ್ಟ್ಫೋನ್ ಬಳಸಿದರೆ ಅದು ಸಂಪೂರ್ಣವಾಗಿ ಕೊಳಕು ಎಂದು ವೈದ್ಯರು ಹೇಳುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ಅಲ್ಲಿ ಏನನ್ನಾದರೂ ಸ್ಪರ್ಶಿಸಿದಾಗ ಈ ರೋಗಾಣುಗಳು ನಿಮ್ಮ ಕೈಗಳಿಗೆ ಅಂಟಿಕೊಳ್ಳುತ್ತವೆ. ಈ ರೀತಿಯಾಗಿ ನೀವು ಬ್ಯಾಕ್ಟೀರಿಯಾದಿಂದ ಸೋಂಕಿಗೆ ಒಳಗಾಗುವ ಸಾಧ್ಯತೆಗಳಿವೆ. ಈ ರೀತಿಯಾಗಿ ನೀವು ಅನೇಕ ರೋಗಗಳಿಗೆ ಬಲಿಯಾಗಬಹುದು. ಇದು ಅತಿಸಾರ, ಜ್ವರ, ಶಿಗೆಲ್ಲದಂತಹ ಕಾಯಿಲೆಗಳಿಗೆ ಕಾರಣವಾಗಬಹುದು.
ನಿಮ್ಮ ಶೌಚಾಲಯ ಅಥವಾ ಸ್ನಾನಗೃಹದ ಸೂಕ್ಷ್ಮಜೀವಿಗಳು ನಮ್ಮ ಕೈಗೆ ಬಂದು ನಂತರ ಮೊಬೈಲ್ ಸ್ಕ್ರೀನ್ ತಲುಪುತ್ತವೆ. ಇದರಿಂದಾಗಿ ಸ್ಮಾರ್ಟ್ಫೋನ್ ಪರದೆಯು ಟಾಯ್ಲೆಟ್ ಸೀಟ್ಗಿಂತ ಕೊಳಕು ಆಗುತ್ತದೆ. ನಾವು ಆಹಾರವನ್ನು ಸೇವಿಸಿದಾಗ ಈ ರೋಗಾಣುಗಳು ನಮ್ಮ ದೇಹವನ್ನು ಪ್ರವೇಶಿಸುತ್ತವೆ. ಇದು ಹಲವಾರು ರೋಗಗಳನ್ನು ಉಂಟುಮಾಡುತ್ತದೆ. ಆದ್ದರಿಂದ ಶೌಚಾಲಯಕ್ಕೆ ಹೋಗುವಾಗ ನಿಮ್ಮ ಮೊಬೈಲ್ ತೆಗೆದುಕೊಂಡು ಹೋಗಲೇಬೇಡಿ. ನಿಮಗೂ ಈ ಅಭ್ಯಾಸವಿದ್ದರೆ ಇಂದೇ ಬಿಟ್ಟುಬಿಡಿ ಏಕೆಂದರೆ ಅದು ಮಾರಕವಾಗಬಹುದು.