ನಿಮ್ಮ ಆಧಾರ್ ರದ್ದು ಮಾಡಬಹುದೇ? ಒಬ್ಬ ವ್ಯಕ್ತಿ ಸತ್ತರೆ Aadhaar ಸಂಖ್ಯೆ ಬೇರೆಯವರಿಗೆ ನೀಡಬಹುದೇ?

ಭಾರತದಲ್ಲಿ ಆಧಾರ್ ಕಾರ್ಡ್ (Aadhaar Card) ಒಬ್ಬ ಭಾರತೀಯನಿಗೆ ಪ್ರಮುಖ ದಾಖಲೆಯಾಗಿದೆ. ಈಗ ಇದು ಎಲ್ಲೆಡೆ ಅಗತ್ಯವಿದೆ. ವ್ಯಕ್ತಿಯ ಹೆಸರು, ಹುಟ್ಟಿದ ದಿನಾಂಕ, ವಿಳಾಸ ಮುಂತಾದ ಮಾಹಿತಿಗಳನ್ನು ಆಧಾರ್ ಕಾರ್ಡ್‌ನಲ್ಲಿ ದಾಖಲಿಸಲಾಗಿದೆ. ಇಂದು ಆಧಾರ್ ಸಂಖ್ಯೆಯನ್ನು ಇತರ ಹಲವು ಪ್ರಮುಖ ದಾಖಲೆಗಳೊಂದಿಗೆ ಲಿಂಕ್ ಮಾಡಲಾಗಿದೆ. ಈಗ ಸರ್ಕಾರದ ಯೋಜನೆಗಳ ಲಾಭವೂ ಇಲ್ಲದೇ ಇಲ್ಲ. ಸರಕಾರ ನೀಡುವ ಸಬ್ಸಿಡಿ ಕೂಡ ಈಗ ಆಧಾರ್‌ಗೆ ಲಿಂಕ್ ಮಾಡಿದ ಬ್ಯಾಂಕ್ ಖಾತೆಗಳಲ್ಲಿ ಮಾತ್ರ ಬರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ವ್ಯಕ್ತಿಯ ಮರಣದ ನಂತರ ಆಧಾರ್ ಸಂಖ್ಯೆಯನ್ನು ರದ್ದುಗೊಳಿಸಬಹುದೇ ಎಂಬ ಪ್ರಶ್ನೆ ಉದ್ಭವಿಸುತ್ತದೆ.

Also Read: BSNL Diwali Offer 2023: ದೀಪಾವಳಿ ಪ್ರಯುಕ್ತ ಈ ಪ್ಲಾನ್‌ಗಳಲ್ಲಿ 3GB ಹೆಚ್ಚುವರಿ ಡೇಟಾ ಬಾಚಿಕೊಳ್ಳಿ!

ಒಬ್ಬ ವ್ಯಕ್ತಿ ಸತ್ತರೆ ಅವರ Aadhaar ಸಂಖ್ಯೆ ಬೇರೆಯವರಿಗೆ ನೀಡಬಹುದೇ?

ಒಬ್ಬ ಸತ್ತ ವ್ಯಕ್ತಿಯ ಆಧಾರ್ ಕಾರ್ಡ್ (Aadhaar Card) ಅನ್ನು ಹೇಗೆ ರದ್ದುಗೊಳಿಸುವುದು? ಕ್ಯಾನ್ಸಲ್ ಮಾಡಲು ಸಾಧ್ಯವೇ? ಅಥವಾ UIDAI ಮೃತರ ಆಧಾರ್ ಸಂಖ್ಯೆಯನ್ನು ಇನ್ನೊಬ್ಬ ವ್ಯಕ್ತಿಗೆ ನೀಡಬಹುದೇ? ಒಬ್ಬ ವ್ಯಕ್ತಿಯ ಮರಣದ ನಂತರ ಆತನ ಆಧಾರ್ ಕಾರ್ಡ್ ಅನ್ನು ವಂಚನೆಗೆ ಬಳಸಿಕೊಂಡ ಇಂತಹ ಹಲವು ಪ್ರಕರಣಗಳು ಬೆಳಕಿಗೆ ಬಂದಿರುವುದರಿಂದ ಆಧಾರ್ ರದ್ದುಗೊಳಿಸುವ ಪ್ರಶ್ನೆಯೂ ಉದ್ಭವಿಸುತ್ತದೆ. ಆದ್ದರಿಂದ ವ್ಯಕ್ತಿಯ ಮರಣದ ನಂತರವೂ ಅವರ ಕುಟುಂಬ ಸದಸ್ಯರು ಅವರ ಆಧಾರ್ ಬಗ್ಗೆ ಎಚ್ಚರದಿಂದಿರಬೇಕು.

Aadhaar Card ರದ್ದು ಮಾಡಬಹುದೇ?

ವ್ಯಕ್ತಿಯ ಮರಣದ ನಂತರ ಅವರ ಆಧಾರ್ ಕಾರ್ಡ್ ಅನ್ನು ನಿಷ್ಕ್ರಿಯಗೊಳಿಸಲಾಗುವುದಿಲ್ಲ. ಅಂದರೆ ಅದು ನಡೆಯುತ್ತಲೇ ಇರುತ್ತದೆ. ಪ್ರಸ್ತುತ UIDAI ಆಧಾರ್ ಸಂಖ್ಯೆಯನ್ನು ರದ್ದುಗೊಳಿಸಲು ಯಾವುದೇ ನಿಬಂಧನೆಯನ್ನು ಮಾಡಿಲ್ಲ. ಅಥವಾ UIDAI ಮರಣ ಹೊಂದಿದ ವ್ಯಕ್ತಿಯ ಆಧಾರ್ ಸಂಖ್ಯೆಯನ್ನು ಯಾವುದೇ ವ್ಯಕ್ತಿಗೆ ನಂತರ ನೀಡುವುದಿಲ್ಲ. ಪ್ರಸ್ತುತ ಆಧಾರ್ ಕಾರ್ಡ್ ಅನ್ನು ರದ್ದುಗೊಳಿಸಲು ಅಥವಾ ಸರೆಂಡರ್ ಮಾಡಲು ಯಾವುದೇ ಅವಕಾಶವಿಲ್ಲ ಆದರೆ ಆಧಾರ್‌ನ ಬಯೋಮೆಟ್ರಿಕ್‌ಗಳನ್ನು ಖಂಡಿತವಾಗಿಯೂ ಲಾಕ್ ಮಾಡಬಹುದು.

ಈ ರೀತಿಯ Aadhaar ಬಯೋಮೆಟ್ರಿಕ್ಸ್ ಅನ್ನು ಲಾಕ್ ಮಾಡಿ

ಬಯೋಮೆಟ್ರಿಕ್ಸ್ ಅನ್ನು ಲಾಕ್ ಮಾಡಲು ಒಬ್ಬರು www.uidai.gov.in ವೆಬ್‌ಸೈಟ್‌ಗೆ ಹೋಗಬೇಕು. ಇಲ್ಲಿ ಮೈ ಆಧಾರ್ ಆಯ್ಕೆ ಮಾಡಿ ನಂತರ ಆಧಾರ್ ಸೇವೆಗಳ ಮೇಲೆ ಕ್ಲಿಕ್ ಮಾಡಿ. ಇದರ ನಂತರ ಲಾಕ್/ಅನ್‌ಲಾಕ್ ಬಯೋಮೆಟ್ರಿಕ್ಸ್ ಮೇಲೆ ಕ್ಲಿಕ್ ಮಾಡಿ. ಈಗ 12 ಅಂಕಿಗಳ ಆಧಾರ್ ಸಂಖ್ಯೆ ಮತ್ತು ಕೊಟ್ಟಿರುವ ಕ್ಯಾಪ್ಚಾ ಕೋಡ್ ಅನ್ನು ಇಲ್ಲಿ ನಮೂದಿಸಿ. ಇದರೊಂದಿಗೆ Send OTP ಆಯ್ಕೆಯನ್ನು ಆಯ್ಕೆಮಾಡಿ. ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ. ಅದನ್ನು ನಮೂದಿಸಿ ಬಯೋಮೆಟ್ರಿಕ್ಸ್ ಡೇಟಾವನ್ನು ಲಾಕ್ / ಅನ್ಲಾಕ್ ಮಾಡುವ ಆಯ್ಕೆಯನ್ನು ನೀವು ಪಡೆಯುತ್ತೀರಿ.

Also Read: SIM Swap Scam: ಮೂರು ಮಿಸ್ಡ್ ಕಾಲ್‌ ಕೊಟ್ಟು ವಕೀಲನ ಖಾತೆಯಿಂದ 50 ಲಕ್ಷ ಉಡೀಸ್ ಮಾಡಿದ ಹ್ಯಾಕರ್!

ಆಧಾರ್ ಲಿಂಕ್ ಆಗಿರುವ ಸಿಮ್, ಖಾತೆ ಮತ್ತು ಯೋಜನೆಗಳು!

ಕುಟುಂಬದಲ್ಲಿ ಯಾರೇ ತೀರಿಕೊಂಡರೆ ಕೆಲವೇ ದಿನಗಳಲ್ಲಿ ಅವರ ಸಿಮ್ ಕಾರ್ಡ್ ಅನ್ನು ರದ್ದುಗೊಳಿಸುವುದು ಕಾನೂನಾಗಿದೆ. ಏಕೆಂದರೆ ಅವರ ಹೆಸರಲ್ಲಿ ಯಾವುದೇ ನಂಬರ್ಗಳಿಂದ ದುರುಪಯೋಗವನ್ನು ತಡೆಯಲು ಹೆಚ್ಚು ಸಹಕಾರಿಯಾಗುತ್ತದೆ. ಇದಲ್ಲದೇ ವ್ಯಕ್ತಿಯು ಸಾಯುವ ಮೊದಲು ಆಧಾರ್ ಕಾರ್ಡ್ ಮೂಲಕ ಸಕ್ರಿಯವಾಗಿರುವ ಯಾವುದೇ ಖಾತೆ, ಯೋಜನೆಗಳು ಅಥವಾ ಸಹಾಯಧನದ ಪ್ರಯೋಜನವನ್ನು ಪಡೆಯುತ್ತಿದ್ದರೆ ಕುಟುಂಬದ ಸದಸ್ಯರು ಈ ವ್ಯಕ್ತಿಯ ಸಾವಿನ ಬಗ್ಗೆ ಸಂಬಂಧಿಸಿದ ಇಲಾಖೆಗೆ ದಾಖಲೆಗಳೊಂದಿಗೆ ಮಾಹಿತಿ ನೀಡಿ ಅವನ್ನು ಬಂದ್ ಮಾಡಿಸಬೇಕಾಗುತ್ತದೆ.