Aadhaar Mitra (ಆಧಾರ್ ಮಿತ್ರ): ಭಾರತದ ವಿಶಿಷ್ಟ ಗುರುತಿನ ಪ್ರಾಧಿಕಾರ (The Unique Identification Authority of India – UIDAI) ಇದೀಗ ಹೊಸ ಎಐ/ಎಂಎಲ್‌ (AI/ML) ಆಧಾರಿತ ಚಾಟ್‌ಬೋಟ್‌ 'ಆಧಾರ್ ಮಿತ್ರ' (Aadhaar Mitra) ಅನ್ನು ಬಳಕೆದಾರರಿಗೆ ಬಿಡುಗಡೆ ಮಾಡಿದೆ. ಇದು ಬಳಕೆದಾರರಿಗೆ ಹೊಸ ಮತ್ತು ಉತ್ತಮ ಅನುಭವವನ್ನು ನೀಡಲಿದೆ ಎಂದು ಯುಐಡಿಎಐ (UIDAI) ಹೇಳಿಕೊಂಡಿದೆ. ಇತ್ತೀಚೆಗೆ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ಆಧಾರ್ ಸಂಬಂಧಿತ ಪ್ರಶ್ನೆಗಳೊಂದಿಗೆ ಬಳಕೆದಾರರಿಗೆ ಸಹಾಯ ಮಾಡಲು AI ನಿಂದ ನಡೆಸಲ್ಪಡುವ ಹೊಸ ಆಧಾರ್ ಮಿತ್ರ ಎಂಬ ಚಾಟ್‌ಬಾಟ್ ಅನ್ನು ಪ್ರಾರಂಭಿಸಿದ್ದು ಇದನ್ನು ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಲೈವ್ ಮಾಡಿದೆ.
ಈ AI/ML ಆಧಾರಿತ ಚಾಟ್‌ಬಾಟ್ ಅಂದರೆ ಆಧಾರ್ ಮಿತ್ರ ನೀವು ಆಧಾರ್ PVC ಸ್ಟೇಟಸ್, ಆಧಾರ್ ಅಪ್‌ಡೇಟ್ ಸ್ಟೇಟಸ್, ಕುಂದುಕೊರತೆಗಳನ್ನು ಟ್ರ್ಯಾಕ್ ಮಾಡಿ ಅಥವಾ ಹೊಸ ಕುಂದುಕೊರತೆಗಳನ್ನು ನೋಂದಾಯಿಸುವಂತಹ ಎಲ್ಲಾ ರೀತಿಯ ಆಧಾರ್ ಕಾರ್ಡ್‌ಗೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ಕೇಳಲು ಸಾಧ್ಯವಾಗುತ್ತದೆ. UIDAI ಈ ಚಾಟ್‌ಬಾಟ್ ಅನ್ನು ಪ್ರಾರಂಭಿಸಿದೆ ಇದರಿಂದ ಜನರು ಉತ್ತಮ ಅನುಭವವನ್ನು ಪಡೆಯಬಹುದು ಮತ್ತು ಅವರು ಯಾವುದೇ ತೊಂದರೆಯಿಲ್ಲದೆ ಸಕಾಲಿಕ ಮಾಹಿತಿಯನ್ನು ಪಡೆಯಬಹುದು. ಈ ಬಗ್ಗೆ ಯುಐಡಿಐ ಟ್ವೀಟ್ ಕೂಡ ಮಾಡಿದೆ. ನೀವು ಈ ಹೊಸ AI ಉಪಕರಣವನ್ನು ಬಳಸಲು ಬಯಸಿದರೆ ಫೋಟೋದಲ್ಲಿ ತೋರಿಸಿರುವ QR ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ನೀವು ಈ ಕೆಲಸವನ್ನು ಮಾಡಬಹುದು.
https://twitter.com/UIDAI/status/1625336527927627777?ref_src=twsrc%5Etfw
➥ಮೊದಲಿಗೆ ನೀವು ಮೊದಲು www.uidai.gov.in ಗೆ ಭೇಟಿ ನೀಡಬೇಕು.
➥ಇದರ ನಂತರ ಮುಖಪುಟದಲ್ಲಿ ಆಧಾರ್ ಮಿತ್ರ ಬಾಕ್ಸ್ ಅನ್ನು ಕೆಳಗಿನ ಬಲ ಮೂಲೆಯಲ್ಲಿ ಇರುವುದನ್ನು ನೋಡುತ್ತೀರಿ.
➥ಈ ಬಾಕ್ಸ್ ಅನ್ನು ಕ್ಲಿಕ್ ಮಾಡುವುದರಿಂದ ಚಾಟ್‌ಬಾಟ್ ತೆರೆಯುತ್ತದೆ.
➥ನಂತರ ನಿಮ್ಮ ಪ್ರಶ್ನೆಯನ್ನು ಕೇಳಲು ಪ್ರಾರಂಭಿಸಿ ಮೇಲೆ ಕ್ಲಿಕ್ ಮಾಡಬೇಕು.
➥ಸರ್ಚ್ ಬಾಕ್ಸ್ ನಲ್ಲಿ ನಿಮ್ಮ ಪ್ರಶ್ನೆಯನ್ನು ನೀವು ಟೈಪ್ ಮಾಡುವ ಮೂಲಕ ಉತ್ತರವನ್ನು ಪಡೆಯುತ್ತೀರಿ.
PVC (polyvinyl chloride) ಸ್ಟೇಟಸ್ ಅನ್ನು ಟ್ರ್ಯಾಕ್ ಮಾಡಲು ಇದು ನಿಮ್ಮನ್ನು ಅನುಮತಿಸುತ್ತದೆ. ಇದರಿಂದ ದೂರುಗಳನ್ನು ಸಹ ದಾಖಲಿಸಿಕೊಳ್ಳಬಹುದು ಹಾಗೂ ಇನ್ನೂ ಅನೇಕ ಕೆಲಸಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ. ಈ ಪ್ರಶ್ನೆಯನ್ನು ನಾವು ಈ ಆಧಾರ್ ಮಿತ್ರ AI ಗೆ ವೈಯಕ್ತಿಕವಾಗಿ ಕೇಳಿದ್ದೇವೆ ನಂತರ ಈ ಚಾಟ್‌ಬಾಟ್ ಅದಕ್ಕೆ ಉತ್ತರಿಸಲು ವೀಡಿಯೊವನ್ನು ತೋರಿಸಿದೆ. ಈ ಸಂದರ್ಭದಲ್ಲಿ ಚಾಟ್ GPT ಗಿಂತ ಈ ಚಾಟ್‌ಬಾಟ್ ಉತ್ತಮವಾಗಿದೆ ಏಕೆಂದರೆ ಚಾಟ್ GPT ನಿಮಗೆ ವೀಡಿಯೊವನ್ನು ತೋರಿಸುವುದಿಲ್ಲ. ಇದು ಪಠ್ಯದಲ್ಲಿ ಮಾತ್ರ ಉತ್ತರಿಸುತ್ತದೆ ಆದರೆ ಆಧಾರ್ ಮಿತ್ರವು ವೀಡಿಯೊಗಳನ್ನು ಸಹ ತೋರಿಸುತ್ತದೆ ಇದರಿಂದ ಜನರು ವಿಷಯಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಬಹುದು.