Whatsapp New Feature: ವಾಟ್ಸಾಪ್ ಕಾಲಕಾಲಕ್ಕೆ ಹೊಸ ಫೀಚರ್‌ಗಳನ್ನ ಪರಿಚಯಿಸುತ್ತದೆ. ಇದರಿಂದ ಜನರು ಸುಲಭವಾಗಿ ಸೌಲಭ್ಯಗಳನ್ನು ಪಡೆಯಬಹುದು. ಆಧುನಿಕ ದಿನದಲ್ಲಿ ಜನರ ನಡುವೆ ಸಂವಹನದ ಅತ್ಯಂತ ಪರಿಣಾಮಕಾರಿ ಮಾಧ್ಯಮವಾಗಿದೆ. Whatsapp ಪ್ರಸ್ತುತ ಭಾರತದಲ್ಲಿ 40 ಕೋಟಿಗೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ. ಈ ಅಪ್ಲಿಕೇಶನ್ ಮೆಟಾ ಮಾಲೀಕತ್ವದಲ್ಲಿದ್ದು ಬಳಕೆದಾರರ ಅನುಭವವನ್ನು ಹೆಚ್ಚಿಸಲು ಕಂಪನಿಯು ನಿರಂತರವಾಗಿ ಹೊಸ ಫೀಚರ್‌ಗಳನ್ನು ಸೇರಿಸುತ್ತಲೇ ಇರುತ್ತದೆ.
ios ಬಳಕೆದಾರರಿಗಾಗಿ WhatsApp ಹೊಸ ಫೀಚರ್ ಅನ್ನು ಅನಾವರಣಗೊಳಿಸಿದೆ. ಕಂಪನಿಯು ಪ್ರಾರಂಭಿಸಿರುವ ಅಪ್ಲಿಕೇಶನ್‌ನ ಹೊಸ ವರ್ಷನ್ನಲ್ಲಿ ನೀವು ಸಾಕಷ್ಟು ಆಸಕ್ತಿದಾಯಕ ಫೀಚರ್‌ಗಳನ್ನು ಕಾಣಬಹುದು. ಈ ಫೀಚರ್‌ನ ಮೂಲಕ ನೀವು ಫೋಟೋದಿಂದ ಟೆಕ್ಸ್ಟ್ ಅನ್ನು ಕಾಪಿ ಮಾಡಬಹುದು. ಈ ಹಿಂದೆ ios ನಲ್ಲಿ ಈ ಫೀಚರ್ ಲಭ್ಯವಿದ್ದರೂ ವಾಟ್ಸಾಪ್ ತನ್ನ ಪ್ಲಾಟ್‌ಫಾರ್ಮ್‌ಗೆ ಈಗ ಇದನ್ನು ಸೇರಿಸಿದೆ. ಇದು ಬಳಕೆದಾರರಿಗೆ ನೇರವಾಗಿ WhatsApp ನಿಂದ ಟೆಕ್ಸ್ಟ್ ಅನ್ನು ಕಾಪಿ ಮಾಡಲು ಅನುಮತಿಸುತ್ತದೆ.
ಇದು ಹೊಸ ಅಪ್ಡೇಟ್ ಬೀಟಾ ವರ್ಷನ್ನ ಭಾಗವಲ್ಲ. ಬದಲಾಗಿ ಕಂಪನಿಯು ಸ್ಥಿರ ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡಿದೆ. WABetaInfo ಈ ಫೀಚರ್‌ನ ವಿಶೇಷತೆಗಳನ್ನು ಬಹಿರಂಗಪಡಿಸಿದೆ. ನೀವು iOS ಅನ್ನು ಬಳಸುತ್ತಿದ್ದರೆ ಮತ್ತು ಈ ಫೀಚರ್ ಇನ್ನೂ ಲಭ್ಯವಿಲ್ಲದಿದ್ದರೆ ನೀವು ಆಪ್ ಸ್ಟೋರ್‌ಗೆ ಭೇಟಿ ನೀಡುವ ಮೂಲಕ WhatsApp ಅನ್ನು ಅಪ್ಡೇಟ್ ಮಾಡಬೇಕಾಗುತ್ತದೆ. ನಂತರ ನೀವು ಹೊಸ ಫೀಚರ್ ಅನ್ನು ನೋಡುತ್ತೀರಿ.