ವಾಟ್ಸಾಪ್ ಸ್ಟೇಟಸ್ (WhatsApp Status) ಅಪ್ಡೇಟ್ಗಳಿಗಾಗಿ ಹೊಸ ಪೂರ್ವವೀಕ್ಷಣೆ (Preview) ಫೀಚರ್ ಪರಿಚಯಿಸಿದೆ.
ಇದೀಗ ಇತ್ತೀಚಿನ ವರದಿಯೊಂದು ಶೀಘ್ರದಲ್ಲೇ ಪ್ಲಾಟ್ಫಾರ್ಮ್ನಲ್ಲಿ ಸ್ಟೇಟಸ್ ನೋಡುವ ವಿಧಾನವೂ ಬದಲಾಗಲಿದೆ.
ವಾಟ್ಸಾಪ್ (WhatsApp) ಪ್ರಪಂಚದಾದ್ಯಂತ ಹೆಚ್ಚು ಬಳಸುವ ತ್ವರಿತ ಸಂದೇಶ ವೇದಿಕೆಗಳಲ್ಲಿ ಒಂದಾಗಿದೆ. ಭಾರತದಲ್ಲಿ ನೀವು ಎಲ್ಲೆಡೆ ಈ ಅಪ್ಲಿಕೇಶನ್ನ ಅಭಿಮಾನಿಗಳನ್ನು ಕಾಣಬಹುದು. ಈಗ ಇದು ಕೇವಲ ಸಂದೇಶ ಕಳುಹಿಸುವ ಅಪ್ಲಿಕೇಶನ್ಗೆ ಸೀಮಿತವಾಗಿಲ್ಲ ಇದನ್ನು ಬಳಸಿಕೊಂಡು ನೀವು ಪಾವತಿಯಿಂದ ಹಿಡಿದು ಅನೇಕ ಕಾರ್ಯಗಳನ್ನು ಸುಲಭವಾಗಿ ಮಾಡಬಹುದು. ಲೇಟೆಸ್ಟ್ ಅಪ್ಡೇಟ್ ಅಡಿಯಲ್ಲಿ ಈ ತ್ವರಿತ ಮೆಸೇಜ್ ಕಳುಹಿಸುವ ಅಪ್ಲಿಕೇಶನ್ ವಾಟ್ಸಾಪ್ ಸ್ಟೇಟಸ್ (WhatsApp Status) ಅಪ್ಡೇಟ್ಗಳಿಗಾಗಿ ಹೊಸ ಪೂರ್ವವೀಕ್ಷಣೆ (preview) ಫೀಚರ್ ಪರಿಚಯಿಸಿದೆ.
Also Read: Airtel ಕೈಗೆಟಕುವ ಬೆಲೆಗೆ 5G ಡೇಟಾದೊಂದಿಗೆ ಉಚಿತ Netflix ಚಂದಾದಾರಿಕೆ ನೀಡುವ ಬೆಸ್ಟ್ ಯೋಜನೆಗಳು
ಈಗ ಕಂಪನಿಯು ಮೆಸೇಜಿಂಗ್ ಪ್ಲಾಟ್ಫಾರ್ಮ್ನಲ್ಲಿ ಮೆಟಾ AI ಅನ್ನು ಕೂಡ ಸೇರಿಸಿದೆ. ಇದು ಬಳಕೆದಾರರ ಅನುಭವವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ದಿದೆ. ಕಂಪನಿಯು ಕಾಲಕಾಲಕ್ಕೆ ಅಪ್ಲಿಕೇಶನ್ನಲ್ಲಿ ಹಲವಾರು ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸುತ್ತಲೇ ಇರುತ್ತದೆ. ಇದೀಗ ಇತ್ತೀಚಿನ ವರದಿಯೊಂದು ಶೀಘ್ರದಲ್ಲೇ ಪ್ಲಾಟ್ಫಾರ್ಮ್ನಲ್ಲಿ ಸ್ಟೇಟಸ್ ನೋಡುವ ವಿಧಾನವೂ ಬದಲಾಗಲಿದೆ ಎಂದು ಹೇಳುತ್ತದೆ. ವಾಸ್ತವವಾಗಿ ಕಂಪನಿಯು ಸ್ಟೇಟಸ್ ಮುಂದೆ ಥಂಬ್ನೇಲ್ ಅನ್ನು ಸೇರಿಸಲಿದೆ ಅಲ್ಲಿಂದ ನೀವು ಆ ಸ್ಟೇಟಸ್ ಸಣ್ಣ ಪೂರ್ವವೀಕ್ಷಣೆಯನ್ನು ನೋಡಲು ಸಾಧ್ಯವಾಗುತ್ತದೆ.
ಈಗ WhatsApp Status ಟ್ರೇ ಬದಲಾಗುತ್ತದೆ
ಈ ದಿನಗಳಲ್ಲಿ ಪ್ಲಾಟ್ಫಾರ್ಮ್ ಸ್ಟೇಟಸ್ ಅಪ್ಡೇಟ್ ಟ್ರೇ ಅನ್ನು ಮರುವಿನ್ಯಾಸಗೊಳಿಸುವಲ್ಲಿ ಕಾರ್ಯನಿರ್ವಹಿಸುತ್ತಿದೆ ಮತ್ತು ಇದೀಗ ಇತ್ತೀಚಿನ ವರದಿಗಳು ತ್ವರಿತ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ಸ್ಟೇಟಸ್ ಅಪ್ಡೇಟ್ಗಳಿಗಾಗಿ ಹೊಸ ಪೂರ್ವವೀಕ್ಷಣೆ (preview) ವೈಶಿಷ್ಟ್ಯವನ್ನು ಪರಿಚಯಿಸುತ್ತಿದೆ ಎಂದು ಸೂಚಿಸುತ್ತದೆ. ಇದನ್ನು ಪ್ರಸ್ತುತ ಬೀಟಾ ಪರೀಕ್ಷಕರಿಗೆ ನೀಡಲಾಗುತ್ತಿದೆ ಮತ್ತು ಶೀಘ್ರದಲ್ಲೇ ಇತರ ಬಳಕೆದಾರರಿಗೆ ಹೊರತರುವ ನಿರೀಕ್ಷೆಯಿದೆ.
WhatsApp ಸ್ಟೇಟಸ್ ಅಪ್ಡೇಟ್ ಪೂರ್ವವೀಕ್ಷಣೆ ಫೀಚರ್
WA ಬೀಟಾ ಮಾಹಿತಿಯ ವರದಿಯ ಪ್ರಕಾರ ಚಾನಲ್ ಅನ್ನು ಅನುಸರಿಸುವ ಬಳಕೆದಾರರಿಗೆ ಹೊಸ ಸ್ಟೇಟಸ್ ಅಪ್ಡೇಟ್ ಪೂರ್ವವೀಕ್ಷಣೆ ಫೀಚರ್ ಸ್ಕ್ರೀನ್ ಬಲಭಾಗದಲ್ಲಿ ಥಂಬ್ನೇಲ್ನಂತೆ ಗೋಚರಿಸುತ್ತದೆ. ಕ್ಲೀನ್ ಅಪ್ಡೇಟ್ ಟ್ಯಾಬ್ ನೀಡಲು ಈ ವಿನ್ಯಾಸವು ಸಮತಲ ಲೇಔಟ್ ಅನ್ನು ಬಳಸುತ್ತದೆ. ಯಾವುದೇ ಚಾನಲ್ಗಳನ್ನು ಅನುಸರಿಸದ ಬಳಕೆದಾರರಿಗಾಗಿ WhatsApp ಸ್ಟೇಟಸ್ ಅಪ್ಡೇಟ್ಗಳಿಗಾಗಿ ಲಂಬವಾದ ಪಟ್ಟಿಯನ್ನು ಪರಿಚಯಿಸಿದೆ. ಇದು ಈಗ ಪ್ರೊಫೈಲ್ ಫೋಟೋವನ್ನು ಪ್ರತಿಬಿಂಬಿಸುವಾಗ ಸ್ಟೇಟಸ್ ಅಪ್ಡೇಟ್ ಅನ್ನು ಪೂರ್ವವೀಕ್ಷಿಸುವ ಮರುವಿನ್ಯಾಸಗೊಳಿಸಲಾದ ಥಂಬ್ನೇಲ್ ಅನ್ನು ಒಳಗೊಂಡಿದೆ.
ಸದ್ಯಕ್ಕೆ ಈ ಬಳಕೆದಾರರಿಗೆ ಮಾತ್ರ ಹೊಸ ಆಪ್ಡೇಟ್ ಲಭ್ಯ!
ಈಗಾಗಲೇ ಹೇಳಿದಂತೆ Google Play Store ನಿಂದ Android ಗಾಗಿ WhatsApp ಬೀಟಾದ ಇತ್ತೀಚಿನ ಆವೃತ್ತಿಯನ್ನು ಸ್ಥಾಪಿಸಿದ ಕೆಲವು ಬೀಟಾ ಪರೀಕ್ಷಕರಿಗೆ ಈ ಹೊಸ ವೈಶಿಷ್ಟ್ಯವನ್ನು ಲಭ್ಯಗೊಳಿಸಲಾಗಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಿನ ಬಳಕೆದಾರರಿಗೆ ಇದು ಹೊರತರುವ ನಿರೀಕ್ಷೆಯಿದೆ. ನಮ್ಮ ಸಲಹೆಯೆಂದರೆ ನೀವು ಇನ್ನೂ ಬೀಟಾ ಆವೃತ್ತಿಯನ್ನು ಇನ್ಸ್ಟಾಲ್ ಮಾಡಬೇಡಿ ಏಕೆಂದರೆ ಹೊಸ ಅಪ್ಡೇಟ್ನಲ್ಲಿ ನಿಮ್ಮ ಬಳಕೆದಾರ ಅನುಭವವನ್ನು ಹಾಳುಮಾಡುವ ಹಲವು ದೋಷಗಳಿವೆ.
Ravi Rao
Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile