ವಾಟ್ಸಾಪ್ (WhatsApp) ಅಲ್ಲಿ ನಿಮಗೆ ಬಂದ ಮೆಸೇಜ್ ಓದುವ ಮುಂಚೆಯೆ ಆಕಸ್ಮಿಕವಾಗಿ ಡಿಲೀಟ್ ಆದರೆ ಚಿಂತಿಸಬೇಕಿಲ್ಲ. ಮೆಸೇಜ್‌ಗಳನ್ನು ನೀವು ನೋಡಲು ಸಾಧ್ಯವಾಗದಿದ್ದರೂ ಕಳುಹಿಸುವವರು ಚಾಟ್‌ನಿಂದ ತೆಗೆದುಹಾಕಿರುವ ಮೆಸೇಜ್‌ಗಳನ್ನು ಪಡೆಯಲು ನೀವು ಹಲವಾರು ಟ್ರಿಕ್ಸ್ ಬಳಸಬಹುದು. ಅದನ್ನು ಗಮನದಲ್ಲಿಟ್ಟುಕೊಂಡು Android ಮತ್ತು iPhone ಎರಡರಲ್ಲೂ ಡಿಲೀಟ್ ಆದ WhatsApp ಮೆಸೇಜ್‌ಗಳನ್ನು ಹೇಗೆ ವೀಕ್ಷಿಸುವುದು ಎಂಬುದರ ಮಾರ್ಗದರ್ಶಿ ಇಲ್ಲಿದೆ.
ಡಿಲೀಟ್ ಆದ WhatsApp ಮೆಸೇಜ್!
ಡಿಲೀಟ್ ಆದ ಮೆಸೇಜ್ ನಿರ್ದಿಷ್ಟ ಉದ್ದೇಶಗಳಿಗಾಗಿ ಮರುಪಡೆಯಬೇಕಾದ ನಿರ್ಣಾಯಕ ಮಾಹಿತಿಯನ್ನು ಒಳಗೊಂಡಿರುವಾಗ ಈ ವಿಧಾನಗಳು ಸೂಕ್ತವಾಗಿ ಬರುತ್ತವೆ. ಈ ವೈಶಿಷ್ಟ್ಯವು ಜನರು ತಮ್ಮ ತಪ್ಪುಗಳನ್ನು ಮರೆಮಾಡಲು ಮತ್ತು ಅವರ ತಪ್ಪಿನತ್ತ ಗಮನ ಹರಿಸದೆ ಮೆಸೇಜ್ ಸರಿಪಡಿಸಿದ ಆವೃತ್ತಿಯನ್ನು ಮರು-ಕಳುಹಿಸಲು ಅವಕಾಶ ನೀಡುತ್ತದೆ. WhatsApp ನ ಡಿಲೀಟ್ ಮಾಡುವ ಮೆಸೇಜ್ ವೈಶಿಷ್ಟ್ಯವು ಸಾಮಾನ್ಯವಾಗಿ ಬಳಕೆದಾರರಿಗೆ ಕುತೂಹಲ ಮತ್ತು ನಿರಾಶೆಯನ್ನು ಉಂಟುಮಾಡುತ್ತದೆ.
ಆಂಡ್ರಾಯ್ಡ್‌ನಲ್ಲಿ ಡಿಲೀಟ್ ಆದ WhatsApp ಮೆಸೇಜ್ ಓದುವುದು ಹೇಗೆ?
ಈ ಫೀಚರ್ ಆಂಡ್ರಾಯ್ಡ್ 11 ಮೇಲ್ಪಟ್ಟ ಫೋನ್ ಬಳಕೆದಾರರಿಗೆ ಮತ್ತೊಂದು ಸುರಕ್ಷಿತ ಮತ್ತು ಹೆಚ್ಚು ತೊಂದರೆ ಮುಕ್ತ ಆಯ್ಕೆ ಲಭ್ಯವಿದೆ. ನೋಟಿಫಿಕೇಶನ್ ಪರಿಶೀಲಿಸುವ ಮೂಲಕ ನೀವು ಡಿಲೀಟ್ ಆದ WhatsApp ಮೆಸೇಜ್‌ಗಳನ್ನು ಓದಬಹುದು.
- ಮೊದಲು ನಿಮ್ಮ ಫೋನ್ ವಾಟ್ಸಾಪ್ ಅಪ್ಡೇಟ್ ಮಾಡಿ ತೆರೆಯಿರಿ
- ನಂತರ ನಿಮ್ಮ ಸಾಧನದ ‘ಸೆಟ್ಟಿಂಗ್‌ಗಳಿಗೆ ಹೋಗಿ ಅಪ್ಲಿಕೇಶನ್‌ಗಳು ಮತ್ತು ನೋಟಿಫಿಕೇಶನ್ ಮೇಲೆ ಸ್ಕ್ರಾಲ್ ಮಾಡಿ ಮತ್ತು ಟ್ಯಾಪ್ ಮಾಡಿ.
- ಇದರ ನಂತರ ನೋಟಿಫಿಕೇಶನ್ ಆಯ್ಕೆಮಾಡಿ ‘ನೋಟಿಫಿಕೇಶನ್ ಹಿಸ್ಟರಿ’ ಟ್ಯಾಪ್ ಮಾಡಿ.
- ಅದನ್ನು ಆನ್ ಮಾಡಲು ‘ನೋಟಿಫಿಕೇಶನ್ ಹಿಸ್ಟರಿ ಬಳಸಿ’ ಪಕ್ಕದಲ್ಲಿರುವ ಬಟನ್ ಅನ್ನು ಟಾಗಲ್ ಮಾಡಿ.
- ನೋಟಿಫಿಕೇಶನ್ ಹಿಸ್ಟರಿ ಆನ್ ಆದ ನಂತರ ವಾಟ್ಸಾಪ್ ಮೆಸೇಜ್‌ಗಳನ್ನು ಡಿಲೀಟ್ ಮಾಡಿದರೂ ನೋಟಿಫಿಕೇಶನ್‌ಗಳನ್ನು ನೋಡಲು ನಿಮಗೆ ಸಾಧ್ಯವಾಗುತ್ತದೆ.
ಡಿಲೀಟ್ ಆದ WhatsApp ಚಾಟ್‌ಗಳನ್ನು ಮರುಪಡೆಯುವುದು ಹೇಗೆ?
ಈ ಚಾಟ್‌ಗಳನ್ನು ಡಿಲೀಟ್ ಆದ ಮೊದಲು ನೀವು ವಾಟ್ಸಾಪ್ ಬ್ಯಾಕ್-ಅಪ್ ಅನ್ನು ಸಕ್ರಿಯಗೊಳಿಸಿದ್ದರೆ ಡಿಲೀಟ್ ಆದ WhatsApp ಮೆಸೇಜ್‌ಗಳನ್ನು ಮರುಪಡೆಯುವುದು ಸುಲಭವಾಗುತ್ತದೆ. ನೀವು ಬ್ಯಾಕಪ್ ಮಾಡಿದ WhatsApp ಡೇಟಾವನ್ನು ವಾಟ್ಸಾಪ್ ಅಪ್ಲಿಕೇಶನ್‌ಗೆ ಬರಮಾಡಿಕೊಳ್ಳಬೇಕಾಗುತ್ತದೆ ಮತ್ತು ಡಿಲೀಟ್ ಆದ WhatsApp ಮೆಸೇಜ್‌ಗಳನ್ನು ಮರುಪಡೆಯಲಾಗುತ್ತದೆ.
ಇದಲ್ಲದೆ ನೀವು Google ಡ್ರೈವ್‌ನಿಂದ WhatsApp ಮೆಸೇಜ್‌ಗಳನ್ನು ಮರುಪಡೆಯಬಹುದು. ಯಾವುದೇ ಸಾಧನದಿಂದ WhatsApp ಡೇಟಾ ಸೇರಿದಂತೆ ಎಲ್ಲಾ ಫೈಲ್‌ಗಳನ್ನು ಬ್ಯಾಕಪ್ ಮಾಡಲು ಮತ್ತು ಪ್ರವೇಶಿಸಲು ಇದು ಸುರಕ್ಷಿತ ಸಾಧನವಾಗಿದೆ.
Follow Us
Ravi Rao
Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile
